أنواع شخصيات الشباب من أنواع سيارتهم!!!؟

أهلين شباب ,,كيفكم؟
المهم الموضوع واضح من عنوانه
تعالو نشوف شخصياتكم

إذا كان معك) .......> (فأنت)
كابرس .............> شخص شديد و شعبي و تحب الفزعة و لا تحب الميوعة

كريسيدا ............> مهبول و حق فرفشة و سعة صدر لكنك مخفة

مازدا ............>تحس دائما أن ودك توقف عند الأشجار ( )

قولف............> شكلك مليان زيها ودبدوب وتروح البولنق

باسات............>لحد يتكلم شي مره كووووووول ويحق لك تشوف نفسك

بورا...............> شكلك حق قهاوي ومفلس انت والكرتونه حقتك

مكسيما ...........>طايش و متهور تظن أن معك فيراري عشان كذا دايما داعس على البنزين للآخر

ألتيما ...............> نويعم دايم تمشط شعرك عند الإشارات

هوندا اكورد .........> مصدق نفسك أن سيارتك شخصية

بي أم دبليو ..........> ياهووووووووه من قدك

كاديلايك .............> تفرح بالمطبات عشان تطامر

ددسن .............> تحس أن أسمك هيثم و ودك تشرب كابتشينو دايم

فياقرا ...........>ولد نعمة و شايف نفسك لكن أنصحك لا تجاكر اللي معهم كوابرس تراهم ما يرحمون

افالون............>حق ناااااااااس خاطبين ويبغوا الاستقرار

صني .............> خفيف وزن و عقل في نفس الوقت

بيوك .............> عندك كرشة تروع

بنوفيل .............> دمك ثقيل و وزنك اثقل

لاند كروزر ........> فنان تطعيس بس الأخلاق تجارية

روفر ..............> الله يخلف عليك

هوندا سيفيك ........> مشغل نفسك كل يوم تغسلها و تلمعها

اس تي اس .........> كل يوم رايح للوكالة عشان يا تصلح يا تسوي لها صيانة

سفاري .............> تحب الطواقي الزري و الدخان

سوبربان............> تجمع شباب حارتكم عشان تدورون في الأسواق وتزعجون خلق الله

كورولا .............> أكبر ما فيك رأسك و مع ذلك ما تستخدمه

سوبارو ............> رياضي و تحب المشاكل

سدرك .............> موسوس و بخيل

زد ................> مشبوه و عند كل نقطة تفتيش الله يعينك

موستنج ...........> تظن إن الناس تناظر و هي معجبة مع أنها في الحقيقة تتحمد عليك

جاكوار ............> مسوي فيها فاهم و أنت ما في راسك

بيجو ..............> فاهم الدنيا غلط

كامري ............> مقتصد في الفلوس بس مسرف في البربرة و السواليف

لكزس 400 .......> دايم مهدي و راز خشمك

أودي .............> شكلك شخصية و ثقيل بس إذا تكلمت خربت الشغلة كلها

تيرسل .............> تحب تفرفر بين السيارات و تزعج الناس بالهرنات

ميركوري .........> شايف نفسك و مغرور

كراون .............> حبيب و هادي

كرايسلر ............> غثيث و عله

انفنتي .............> رسمي مهتم بشكلك أكثر من عقلك

كابرس أس أس .....> خفيف دم و مجلسك ما ينمل منه

جيب شروكي .......> مجنوووووووووووون بر و سوالف

هوندا ليجند ..........> تحب القافة والتلفت على خلق الله

سزوكي ...........> تحب تدور وتسعسع

ايسوزو ..........> مكروه من قبل الناس لأنك ببساطة كتمت أنفاسهم بالديزل

لكزس 300 .....> أنيق و جذاب

كراون فكتوريا .....> مجنون كورة و تحب الفصفص

هونداي ...........> مزعج خلق الله بالمسجل ...كن محد عنده مسجل غيرك

لومينا ............> وش حليلك بس المشكلة أنك متعصب بزيادة لناديك

شبح .............> مشخص رغم أنها راحت عليك تلاقيه مشتريها مستعمله

ليموزين ............> همك الوحيد تركيب الزبون ولو تدعسه

اتوبيس ............> حزين ودايم ساكت وشايل هموم الدنيا فوق راسه

صاحب دورية ............> حاط حرتك في قطع الاشارات

ما معك سيارة ............> طقها رجلي

انتظر ردودكم مع شخصياتكم
SU

يسلموووو العسل على المواصفات
الله لايحرمنا من جديدك

يعطيكي الف عافية احلى من العسل
ودمتى زي ماتحبي

نحياااتي

الله يعافي أحبابك
وثاااانكس عالمرور